Exposición: David Bowie

Foi unha experiencia moi divertida presentar este traballo o venres 11 de xaneiro aos nenos de 4ºA do noso colexio. Estes xa coñecían o tema do que íamos falar.

Na exposición explicamos sobre David Bowie e a súa orixe. Tamén falamos acerca da súa familia e o seu estilo de música, o Rock. Comentamos por que ten os ollos de cor distinta un do outro, a causa dunha pelexa no patio do colexio na que lle clavaron un compás no ollo esquerdo, cambiando a súa cor, convertindoo nunha das súas sinais de identidade.

Iria, Daniela e Andrea (6ºB)

*Tamén podedes ver este contido no blog de 4º A (preme aquí).

"Imagine" para o día da Paz

A próxima semana celebraremos no centro o Día Escolar da Non Violencia e a Paz. Unha das actividades do alumnado de sexto consistirá en cantar Imagine de John Lennon en lingua de signos.
Para iso, Tareixa axudounos moitísimo explicándonos o significado de cada signo e axudándonos a realizalos correctamente. Grazas Tareixa e parabéns polo teu traballo!

Cantando panxoliñas aos pequenos de 5 anos

O día 21 de decembro os nenos e nenas de 6º B fomos á clase dos pequenos de 5 anos para cantarlles unha panxoliña por Nadal. Foi unha sorpresa para eles! Queriamos darlles un agasallo de Nadal, xa que son unhas festas moi bonitas e especiais para todo o mundo. 

Cantamos a panxoliña con pandeiretas e un bombo, soaron moi ben, xa que daba un gran ambiente á panxoliña.

Despois de cantarlles a panxoliña, eles tamén tiñan unha sorpresa para nós! Cantáronnos unha panxoliña en linguaxe de signos, foi un bonito detalle da súa parte, e o desfrutamos moito, ata as profes cantaron con eles!

En xeral, todos desfrutamos moito cos pequenos. 

Foi un gran agasallo. 

Natalia (6º B)

UNHA FESTA INOLVIDABLE

A festa de fin de trimeste foi moi divertida, emocionante e excepcional.

Comimos moito todos, case quedamos  empachados coas palomitas de Hugo Rey, cos turróns de Andrea e Xesús e a botella de nestea de Antón que ¡uf! era de litro e medio.

Fixemos unha batalla de baile entre nenos e nenas, e gañaron as chicas pero, grazas ao ”flow” de Antón, gañaron un punto os nenos.

Ao final da festa viñeron os da outra clase para tomar as uvas de fin de ano 12, 11, 10, 9, 8, 7, 6, 5, 4, 3, 2, 1...

ÚLTIMO DÍA DE CLASES!

Xenevra e Emma (6º B)

Creedence Clearwater Revival

MAGOSTO

   Que ben o pasamos na celebración do Magosto! 

                                 Xogamos, competimos, compartimos moitas risas...

                                                                 ... e tamén degustamos unhas boísimas castañas!


 

             

     

                                                           

   

As portas terroríficas de sexto

Os alumnos do sexto sentido adornaron as portas das aulas para o Samaín. Fixeron mans de zombis e escribiron mensaxes de advertencia... non fora a entrar algún despistado!

20 de novembro. Día dos dereitos da infancia.

Día mundial da diabete

Hoxe, 14 de novembro, celebrouse o día mundial das personas con diabete.

Nas clases de sexto estivemos aprendendo moitas cousas sobre esta enfermidade e tivemos a sorte de contar coa visita da profe Mari, que nos explicou que as persoas con diabete teñen que pincharse moitas veces ao día para medir o nivel de glicosa no sangue e tamén para administrar a insulina que o corpo precisa para funcionar correctamente.

Mari amosounos como se fai a medición e deixouse pinchar polos nenos/as de sexto. Explicounos tamén que un compañeiro do noso centro ten diabete e que as nenas e nenos da súa clase son uns expertos en facer eles mesmos estas medicións.

Grazas á profe Mari por visitarnos neste día e explicarnos cómo é o día a día dun neno con diabete.

Nesta ligazón poderedes ver un vídeo feito por anedia (asociación de nenas, nenos e xente nova con diabete de Galicia) no que sae o noso compañeiro Mauro!

Aquí vos deixamos tamén un capítulo de Caillou que explica moi ben o caso dunha nena con diabete:

E chegou o Samaín...

O pasado mércores celebramos na escola o Samaín. Tivemos unha entrada moi terrorífica, onde os profes se disfrazaron e acenderon cabazas para asustar aos nenos e nenas que iamos entrando. Tamén lles contamos contos de medo aos nenos de segundo e rematamos a mañá vendo películas fantásticas e de medo nas nosas aulas.

 

Día de Lorca

O 25 de outubro celebrouse en Santiago o Día de Lorca. O escritor granadino sentía un cariño especial por Galicia e, máis concretamente, por Santiago de Compostela. Escolleuse este día porque foi tamén un 25 de outubro de 1916 cando o escritor andaluz viaxou por primeira vez á nosa terra. Os alumnos e alumnas de "O Sexto Sentido" quixemos celebrar tamén este día asistindo a un acto homenaxe no Teatro Principal, aproveitando para dar un paseo pola fermosa alameda e zona vella da nosa cidade e desfrutar dun día de outono marabilloso.

      

Contos polo día da biblioteca

O pasado 24 de outubro celebramos o día da biblioteca no colexio. Os alumnos e alumnas de sexto contáronlle contos aos máis pequenos.

David Bowie

Este curso imos ampliar o noso repertorio musical e, á vez que nos divertimos escoitando música, investigaremos sobre os artistas e a súa obra.

Comezamos con David Bowie. Aquí tedes unha mostra do noso traballo.

(Retratos: Andrea e Laura)

Así comezamos o curso...